4 «А» сыныбында 1 мамыр – Қазақстан халқының бірлігі күніне арналған тәрбие сағаты өтті. Іс-шараның мақсаты – оқушыларды бірлікке, достыққа, өз елін сүюге тәрбиелеу, еліміздегі түрлі ұлт өкілдерінің ынтымақтастығын дәріптеу болды. Сабақ барысында оқушылар өлеңдер оқып, әндер шырқап, достық туралы әңгімелер айтты. Мерекелік іс-шара балалардың бойында татулық пен ынтымаққа деген құрметті арттырды.